Retlam sun Radio Gherdëina

Radio Gherdëina à sciche sëul Radio privat ladin na posizion dassënn mpurtanta tla valedes ladines. L Radio ie na forza de suzes per publiché retlames y promozions tla valedes ladines de Gherdëina, Badia, Fascia, Fodom, Col y Ampëz. Nosc cunlauradëures Ve cunsieià gën sun la puscibiliteies y manieres de retlamisé vosta manifestazion, azienda o lia. Fermé l retlam per sparanië scioldi ie coche fermé l'eura, per sparanië tëmp!

L da plu manieres y puscibiliteies da cri ora:

• - La classica campania cun spots singuli: I retlams vën lascei jì plu iedesc al di da l'eura fata ora y ntan n tëmp fat ora.
• - Na campania tres dut l ann: l retlames possa unì spartì su ntan dut l' ann per vester nscì presënc canche l tlient se damanda y rata, che l ie de bujën. Te chësc cajo ie sambën ënghe i priejes scialdi plu basc...
• - Anunzies tres Radio Gherdëina: Chëstes vën lietes tres dal lunesc al venderdi, 3 iedesc al di, y ie ënghe adatedes per crì o pité da lëur.
• - Retlam per manifestazions: Tlo iel a disposizion 30 spots te n priesc straordiner anjenià ca aposta per la lies, che mët a jì y ulëssa retlamisé manifestazions.