DAB+
L ie puscibl scuté su Radio Gherdëina sun la frecuenzes:
| Frecuënza FM | Raion / luesc |
|---|---|
| 89,4 Mhz | Fascia |
| 89,8 Mhz | Arabba Fodom Alleghe |
| 91,0 Mhz | Maran y ntëurvia |
| 92,6 Mhz | Gherdëina, Raion dl Scilier, Renon, Val d'Isarch, Auta Val d'Isarch y Persenon |
| 94,2 Mhz | Gherdëina y Auta Badia |
| 94,7 Mhz | Auta Val de Puster |
| 95,8 Mhz | Raion de Cortina d'Ampëz |
| 98,1 Mhz | Bulsan y Unterland |
| 99,2 Mhz | Val Badia |
| 107,8 Mhz | Persenon y Val de Puster |
L sistem DAB+ permët la defujion d'uni sort de programs de cualità, zënza nterferënzes y desturps, y pieta na miëura cualità nce per i aparac n muvimënt. Oradechël àn tres l radio digitel la puscibltà de crì ora na vela de programs che l radio analogh (UKW) ne pieta nia. N auter vantaje dl radio digitel, ora dla funzion de pudëi scuté su mujiga, ie de giapé dac y servijes, coche chertes n con’ dl tëmp, la sëuravijion dl program o nce tituli dla nutizies, che ie de utl nce per chi che ie de viac.
Plu nfurmazions sun la plata internet www.ras.bz.it.
Radio Gherdëina, vosc radio numer un tla Dolomites, cun n bel program rich de mujiga, la ultima nutizies atueles dl luech, provinzieles, naziuneles y nternaziuneles, trasmiscions y ntervistes d’uni sort.
Nosc radio ie unì metù su tl ann 1979 per ti pité ala jënt nfurmazions n con’ de dut chël che suzed te nosta valedes. Dala mujiga ladina al pop y rock, veniel lascià jì na gran vela de hits y trasmiscions, per scumencé cun energia y mutivazion tl di nuef.
